أدب وشعر

( مشحوت من الصوره ) بقلم / أيمن نصر مكتب بورسعيد

( مشحوت من الصوره )
بقلم / أيمن نصر
مكتب بورسعيد
***********************
يا اللي تملي اخدين صوره.
وضحكتكم حلوه و أموره.
والدنيا فاتحالكم ببانها.
والاشيه معدن ومستوره.
يا اللي بتلبسوا طقم جديد.
مع كل سيلفي في الصوره.
والتسريحه لازما ولابد.
تكون مظبوطه وع الموضه.
وعقدكم والنفسيات لازم.
تظهر واضحه في الصوره.
عشان تغيظوا اللي غايظينكم.
وتباتوا بنفسيه مسروره.
ممكن تقولي ياجميل..
وانت كمان يا سنيوره…
هو أنا ليه من التصوير حارمني؟
وتملي مشحوت من الصوره؟
مهو انا كمان يا بني ادمين.
إنسان برده مش اباجوره .
نفسي اخش جوه الكادر.
وابات و روحي منصوره.
ومتفرقش معايه لبس جديد.
أو حتى مرايا مسحوره.
لكن انا رغم الأحزان هاضحك
رغم النفسيه المكسوره.
و هاثبتلكم إن أنا إنسان
من حقي ابان في الصوره.
وصورتي هتفضحكم كمان.
لما التهميش والفقر يبان.
والحرمان والظلم كمان
ويا النفس المكسوره.
والصوره هبروزها كمان
وهعلقها في أكتر
حته مشهوره .
وهاكتب تحتها عنوان
جوه التصويره إنسان
مش موجود في الحسبان.
تملي مشحوت م الصوره.
إنسان رقيق لكن غلبان.
مهوش طوبه ولا اباجوره.
م الظلم بيبات يوماتي
و خواطره كلها مكسوره.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat