أدب وشعر

قصيدة ( ناس غير الناس ) بقلم / أيمن نصر

قصيدة ( ناس غير الناس )
بقلم / أيمن نصر
مكتب بورسعيد
**********************
كان يا ما كان.
كان فيه ناس غير الناس
كانوا معجونين بساطة
وعمرانين حب و إحساس
كانوا شبعانين رضا
وبيهادوا القناعة لكل الناس
كانت الطيبة بتفيض منهم
وبتدور على كل الناس
كانت الشهامه أهم صفاتهم
و الأدب و اﻹحترام أساس.
كان تعليمهم على قدهم
بس لو حاورتهم تحتاس.
كانوا مبيهتموش بالمظهر
بس هيبتهم تتعبى في أكياس.
وكان الحسد غريب عنهم
وبيحبوا الخير لكل الناس.
وكان دخلهم يدوب بالكاد
بس شربوا من القناعة فنطاس.
وكانت البركة محوطاهم
وﻻيوم يتحوجوا ﻷعز الناس.
وكان الشيطان ميعرفهومش
وكإن بيوتهم عليها حراس.
كانوا بيحبوا جيرانهم
واﻷبواب مفتوحه
من غير ترباس.
كانت العجله مواصلتهم
بيلفوا بيها بكل حماس.
وكانت النمليه تلاجتهم
بيتحط فيها اﻵكل ياناس.
ﻻعمر الباميه فيها حمضت
وﻻ الخيار قلب قلقاس.
والطبليه كانت سفرتهم
وباليل يتحط عليها الكراس.
وكانت كل حاجه بتتباع أيامهم بيلفوها في قرطاس.
ده طبعا قبل ما يظهر
اﻹختراع اللي اسمه إكياس.
وكانت حنفياتهم صفرا
أصلها معمولة من النحاس.
أنا بجد واحشني جدا
ونفسي أقابل شوية ناس.
من اللي أنا بحكي عليهم
اللي قلوبهم
أغلى من اﻷلماس.
بس ياترى فاضل منهم
وﻻ هلف وجيب غطاس.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat