أدب وشعر

قصيدة ( قسم يا زمان ) بقلم ( أيمن نصر )

قصيدة ( قسم يا زمان )
بقلم ( أيمن نصر )
مكتب بورسعيد
***********************
موجوعه يا نفسي
ليه موجوعه.
يا صرخه في الحشا
مهيش مسموعه.
و يا حزن ليه بقى بتتجدد ؟
حدد مرادك مني بقى حدد ؟
بتزورني ليه و تملي بتهدد ؟
دي الفرحه من خوفها
بقت مقطوعه.
أمنيه من رب العباد مطلوبه.
يا فرحه دقي الببان دقي .
ده الحزن ماليني و متعبي.
خفي شويه م الهموم خفي.
ده الدمع ما بينشف
على خدي.
و لا منابي م الفرح متخفي.
عود يا زمان تاني بأفراحنا.
وانده علينا يازمان ده احنا .
دي الطيبه هي كل ملامحنا.
وارمي السعاده
جوه أرواحنا .
قسم يا زمان القدر قسم.
ولا صعيب تشوفني متبسم.
هات نصيبي م الفرح و قسم.
و بلاش في الأحزان تتعزم.
ما هي كل حاجه
بردوا مكتوبه.
يوم ضحكه
و يوم دمعه مرسومه.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Open chat