أدب وشعر

( على باب الله) بقلم / فؤاد حداد متابعة / أيمن نصر مكتب بورسعيد

( على باب الله)
بقلم / فؤاد حداد
متابعة / أيمن نصر
مكتب بورسعيد
***********************
فنان فقير على باب الله.
و الجيب ما فيهشي
و لا سحتوت.
و العمر فايت بيقول آه.
و القطر فايت بيقول توت.
صحتني ليه يا شاويش
يا شاويش.
أنا كنت سارح في الملكوت.
لما بنام بحلم و باعيش.
لما بفوق ما بفوقش بموت.
و تقول عليه كبير السن.
و أنا في قلبي ولد كتكوت.
و تشوفني ببكي و بانعي
و أئن.
و الدنيا لسه بنت بنوت.
إشمعنى قلبي ضناه الشيب.
من الشقا مهري و منكوت.
قال اللي قال العيب
في الجيب.
والجيب مافيهشي
و لا سحتوت.
و العمر فايت يقول آه.
و القطر فايت يقول توت.
على المحطه يا ولداه.
حتى المحطه كمان هتفوت.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat