أدب وشعر

عايز ما تقولشي أنا عايز

كلمات الشاعر محمد عبد العزيز رمضان

عايز ما تقولشي أنا عايز
بس لابد الإصرار
اكتب وابدع وكلامك
خليه كدا زى النار
يطرب ويمتع يهبل
مش يبقى كلام وحوار
واوعاك تتمنى وتحلم
وتعيش عمرك محتار
كلمة تهدي لقلوبنا
فيها أصالة وعمار
اصبر هتلاقي نجاحك
هيعدي بلاد وبحار
مش ممكن تلقى فلاحك
عاجز قدام أسوار
لملم من تاني جراحك
واكتم جواك أسرار
يا حبيبي شبعنا ملامه
وشبعنا كلام وحوار
واثبت للعالم كله
إن كلامك بتار
مش بس مجرد كلمة
أو لعبة حكاية هزار
الكلمة تجمع بيها
وتولع بيها ديار
لو فعلا هتعيش فيها
هتكونلك زى جدار
يحميك ويخلي كلامك
ثابت مش بيت منهار
وبلاش تندم على كلمة
يمسكها عليك مكار
اسهر ليلك واتعلم
تصبح زى الشطار
كلمتهم عاشت بينا
خلت ضلمتنا نهار
منها اتعلمنا الحكمة
وقضينا على استعمار
من جهل معشش بينا
وحمانا من الأخطار

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Open chat