أدب وشعر

( شوف الحكايه ) بقلم / أحمد فؤاد نجم متابعة / أيمن نصر مكتب بورسعيد

( شوف الحكايه )
بقلم / أحمد فؤاد نجم
متابعة / أيمن نصر
مكتب بورسعيد
***********************
شوف الحكاية يا وله
شوف الحكاية.
عشق الصبايا يا وله
طول معايا.
منهم هنايا يا وله
و منهم أسايا.
وهما جرحي يا وله
وهما دوايا.
زرع الوداد
على غير ميعاد
بقي شغلتي.
أزرع وابيع قبل الربيع
من جنتي.
وأحلف وإتوب
وإن شا الله أدوب
فى محبتي
والصبر طيب يا هوي
صبرك معايا .
حبيت سواد العين سنة
ونسيت صباحي .
وغرقت فى ليل الضنى
عشطان وصاحي .
ولما بان ورد الشفايف
لون جراحي .
طاوعت قلبى وروحت له
والشوق ورايا.
لو القى خلَي يبات وفي
يصبح مراعي.
لاطوي المداين ع القدم
وأمشي له ساعي.
وأفرد قلوعي يا وله
واركب شراعي.
أنا وحبيبى فى الهوى
على هوايا.
شوف الحكاية.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Open chat