أدب وشعر

( جدع بلا جاه) بقلم / نبيل خلف متابعة / أيمن نصر مكتب بورسعيد

***********************
جدع بلا جاه
مرسى الهموم قلبه .
دايما يقول الاه
والذنب مش ذنبه .
دا أنا لو شكيت وبكيت
جبل الحديد هيدوب.
الأوله غربتي
والتانيه المكتوب
جرحى القديم يا غريب
انا كنت راضي به .
جرحي الجديد يا حبيب
زود لهاليبو .
يا أهل العرب والطرب
العدل مين سيده .
سيده يا للعجب
وطى وباس أيده.
بلدي قصاد عيني
قلت اعديلها
يا مراكبى رسينى
ويارب عدلها
إللي يعاديك تعاديه
وتفرجه فنونك
وإللي يراضيك تراضيه
وتشيله في عيونك
انا هعمل أية يا ناس
والطبع ليه غلاب
وحبيبتى بنت الناس
قفلت فى وشى الباب
رضيت بحكمك يارب
والصبر بزيادة
ظلمونى من غير ذنب
حسدونى بزياده.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat