أدب وشعر

إهداء إلى بورسعيد الحبيبه :- ( العرضحالجي ) بقلم ( أيمن نصر ) مكتب بورسعيد

إهداء إلى بورسعيد الحبيبه :-
( العرضحالجي )
بقلم ( أيمن نصر )
مكتب بورسعيد
**************
يا عرضحالجي
سمي وصلي
قبل أما أملي
نهارك تملي
دايما سعيد.
يا عرضحالجي
إكتب عريضه
تقلب قصيده
تكون سعيده
لقلبي قريبه
لبلدي الحبيبه
يا عرضحالجي
ما بعرفش أكتب
وعمري ما هأكدب
وعمري ما هأعتب
على جهلي واسبب
يا عرضحالجي
هاقول و ملي
هاوصف بلادي
ومن فؤادي
هابوح وأعبر
وأبدا ما هأقدر
أشرح و أفسر
ده ترابها مرمر
و هواها سكر
وجمالها منظر
بسالتها عبره
و شبابها عتره
بطولاتها ذكرى
تنفعنا بكره
شوارعها عطره
في كل فتره
يا عرضحالجي
منيش أديب
إكتب في بلدي
أحلى نشيد
وعن تاريخها
إحكي وزيد
وعنون كلامك
بإسم بلدي
حبيبتي دايما
بورسعيد
يا عرضحالجي
ما بعرفش أكتب
و لا عمري هأكدب
ولا فيها أحبب
يا عرضحالجي
لو إنت زيي
ما ليك في الكتابه
وتملي تملي
إرسملي سفينه
ومرسى و مينا
ومسله و جنينه
و صياد في مينا
صيدته سمينه
بوري و سردينه
في الغزل ترقص
مهياش حزينه
إن مصيرها
غدوة مدينه
يا عرضحالجي
ارسم مسله
فيها الحمام
بيطير سعيد
إكمنه طاير
في بورسعيد.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Open chat