أدب وشعر

( إتنين صباحاً ) بقلم ( صلاح چاهين ) متابعة ( أيمن نصر ) مكتب بورسعيد

( إتنين صباحاً )
بقلم ( صلاح چاهين )
متابعة ( أيمن نصر )
مكتب بورسعيد
****************************
النـور ملـو الشـــوارع
ومليــون راديــو والــع
السـاعـة اتنين صبــاحـاً
لـكن إيــه المــوانــع
الخـلق رايـحـة جـايـة
والـدنيـا لســه حـيــة
مليـانــة بـالهـــأو أو
وزعيـــق القهــوجيـــة
. . واحــد يقــول لواحـد:
خـليك يــا عــم قـاعـد
التانى يقـول لـه: شــكرا
ده انــا م المغـرب مواعـد
فيه ســهرة لســه عنـدى
فى بيت فـــلان أفنــدى
ح نـاكــل حـاجـة حلوة
ونشـرب تـمـر هنــدى
واللـى تـروح دالقـة جـردل
فـوق حضــرة المبجــل
طـبعا صـاحبنـا يـزعــل
وينفجــر شــتايـــم
والحـى كلـه يـوصـــل ،
مــا بين مصــلح ولايـم ،
اللــى يـقـــــــول: يـــا جــمــاعــة!
واللـى يقـول: يـا بهايـم!
ومطـــرب الإذاعـــة
يصـرخ ، وف وجده هايـم
ولو طـرطـقت ودنــك
فى وسـط دى الـعظـايـم
تســـمع مسـحراتــى
بـطـبلة صــوتها واطـى
بيقـــــول: اصحى يا نايم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat