أدب وشعر

( آخر حلاوه ) بقلم / فؤاد حداد متابعة / أيمن نصر مكتب بورسعيد

( آخر حلاوه )
بقلم / فؤاد حداد
متابعة / أيمن نصر
مكتب بورسعيد
*******************
عاوزه العريس الأمير ميال.
وصاحب ضمير و شقي
وصاحب شقا خيال.
عاوزه اللى حب ونوى
نعلم ونحلم سوا.
اعرف أغير م الهوا
وهو يعرف يغير.
واغنى طول السنه
والشمس تجري السما.
والقهوه متلقمه
والفرش لسه حرير.
وعاوزه ضحك بسبب
وعاوزه ادوق الرطب.
وعاوزه ألبس دهب
وابنى يقرا سمير.
واقول له يا ابو علي
ليه اللى قلبه خلي.
بيحسد المبتلي.
وغنى بيحسد فقير.
واكفي معاه الزعل
واخاف عليه م الأمل.
فى قلبى تقل الجبل
ورقة العصافير.
ورغيفى من قسمته
وكلمتى كلمته.
عينى على بسمته
تحت الهلال المنير.
عاوزه اللى حب ونوى
نعلم ونحلم سوا.
ويزين سبوع الهوى
ابريق وقله وزير.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
Open chat